ਓਬਾਮਾ ਨੇ ਖੋਹਿਆ ਪਾਕਿ ਦਾ ਭਾਰਤ 'ਤੇ ਵੀਟੋ ਅਧਿਕਾਰ

ਓਬਾਮਾ ਨੇ ਖੋਹਿਆ ਪਾਕਿ ਦਾ ਭਾਰਤ 'ਤੇ ਵੀਟੋ ਅਧਿਕਾਰ
ਵਾਸ਼ਿੰਗਟਨ(ਭਾਸ਼ਾ), 2 ਅਪ੍ਰੈਲ 2009 ( 15:51 IST )
ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਤਾਲੀਬਾਨ ਦੇ ਕਬਜ਼ੇ ਤੋਂ ਮੁਕਤ ਕਰਾਏ ਜਾਣ ਮਗਰੋਂ ਅਫਗਾਨਿਸਤਾਨ ਵਿਚ ਭਾਰਤ ਦੀ ਸਰਗਰਮ ਭਾਈਵਾਲੀ ਨੂੰ ਰੋਕਣ ਵਾਲੇ ਪਾਕਿਸਤਾਨ ਦੇ ਵੀਟੋ ਅਧਿਕਾਰ ਨੂੰ ਖਤਮ ਕਰ ਦਿੱਤਾ ਹੈ ਜੋ ਕਈ ਸਾਲਾਂ ਤੋਂ ਜ਼ਾਰੀ ਸੀ.ਜਾਰਜ ਵਾਸ਼ਿੰਗਟਨ ਯੂਨੀਵਰਸਿਟੀ ਦੇ ਸਿਗੂਰ ਸੈਂਟਰ ਫਾਰ ਏਸ਼ੀਅਨ ਸਟਡੀਜ਼ ਦੀ ਦੀਪਾ ਓਲਾਪੱਲੀ ਨੇ ਅਫਗਾਨਿਸਤਾਨ ਦੇ ਮਾਮਲੇ ਵਿਚ ਸੰਸਦ ਦੀ ਇੱਕ ਸੁਣਵਾਈ ਵਿਚ ਇਹ ਜਾਣਕਾਰੀ ਦਿੱਤੀ.ਉਹਨਾਂ ਕਿਹਾ ਕਿ ਅਫਗਾਨਿਸਤਾਨ ਵਿਚ ਭਾਰਤ ਨੂੰ ਕਿਸੇ ਵੀ ਤਰੀਕੇ ਨਾਲ ਸ਼ਾਮਲ ਕਰਨ ਨੂੰ ਲੈ ਕੇ ਪਾਕਿਸਤਾਨ ਸਖਤ ਵਿਰੋਧ ਰਿਹਾ ਹੈ.ਇਸ ਨੇ ਬੁਸ਼ ਪ੍ਰਸ਼ਾਸਨ ਨੂੰ ਅਫਗਾਨਿਸਤਾਨ ਸੰਬੰਧੀ ਬਣਾਈ ਜਾਣ ਵਾਲੀ ਉਸ ਦੀ ਖੇਤਰੀ ਰਣਨੀਤੀ ਵਿਚ ਭਾਰਤ ਨੂੰ ਸ਼ਾਮਲ ਕਰਨ ਤੋਂ ਰੋਕ ਦਿੱਤਾ ਸੀ.ਦੂਰ ਦ੍ਰਿਸ਼ਟੀ ਅਤੇ ਸਰਕਾਰੀ ਸੁਧਾਰ ਸੰਮਤੀ ਨਾਲ ਸੰਬੰਧਤ ਰਾਸ਼ਟਰੀ ਸੁਰੱਖਿਆ ਅਤੇ ਵਿਦੇਸ਼ ਮਾਮਲਿਆਂ ਦੀ ਉੱਪ ਸੰਮਤੀ ਸਾਹਮਣੇ ਆਪਣੇ ਬਿਆਨ ਵਿਚ ਉਹਨਾਂ ਕਿਹਾ ਕਿ ਅਜੇ ਤੱਕ ਅਮਰੀਕੀ ਸਰਕਾਰ ਅਫਗਾਨਿਸਤਾਨ ਵਿਚ ਖੇਤਰੀ ਸਿਆਸੀ ਕੋਸ਼ਿਸ਼ਾਂ ਵਿਚ ਭਾਰਤ ਨੂੰ ਸ਼ਾਮਲ ਕਰਨ ਤੋਂ ਪਰਹੇਜ਼ ਕਰਦੀ ਰਹੀ ਸੀ.ਇਸ ਦਾ ਮੁੱਖ ਕਾਰਣ ਪਾਕਿਸਤਾਨੀ ਭਾਵਨਾਵਾਂ ਨੂੰ ਧਿਆਨ ਵਿਚ ਰੱਖਣਾ ਸੀ.ਭਾਰਤ ਨਿਸ਼ਚਿਤ ਰੂਪ ਨਾਲ ਇਸ ਸਥਿੱਤੀ ਤੋਂ ਖੁਸ਼ ਨਹੀਂ ਸੀ ਪਰ ਉਸ ਨੇ ਇਸ ਦੇ ਬਾਵਜੂਦ ਵਿਕਾਸ ਸਹਾਇਤਾ ਨੂੰ ਅੱਗੇ ਵਧਾਇਆ.ਉਹਨਾਂ ਕਿਹਾ ਕਿ ਓਬਾਮਾ ਵੱਲੋਂ 27 ਮਾਰਚ ਨੂੰ ਐਲਾਣੀ ਗਈ ਨਵੀਂ ਯੋਜਨਾ ਅਧੀਨ ਕੌਮਾਂਤਰੀ ਸੰਪਰਕ ਸਮੂਹ ਨੂੰ ਸ਼ਾਮਲ ਕੀਤਾ ਜਾਵੇਗਾ ਜਿਸ ਵਿਚ ਭਾਰਤ ਵੀ ਹੋਵੇਗਾ.ਮੈਨੂੰ ਜਾਪਦਾ ਹੈ ਕਿ ਇਹ ਸਹੀ ਦਿਸ਼ਾ ਵਿਚ ਚੁੱਕਿਆ ਗਿਆ ਕਦਮ ਹੈ.ਓਲਾਪੱਲੀ ਨੇ ਕਿਹਾ ਕਿ ਅਫਗਾਨ ਸੰਕਟ ਦੇ ਖੇਤਰੀ ਹੱਲ ਦਾ ਖਰੜਾ ਤਿਆਰ ਕਰਨ ਵਿਚ ਭਾਰਤ ਦੀ ਭਾਈਵਾਲੀ ਉੱਪਰ ਪਾਕਿਸਤਾਨ ਦੇ ਵੀਟੋ ਅਧਿਕਾਰ ਦੀ ਮੌਜੂਦਾ ਰਣਨੀਤੀ ਕੰਮ ਨਹੀਂ ਕਰ ਰਹੀ ਹੈ ਅਤੇ ਸਾਫ ਕਿਹਾ ਜਾਵੇ ਤਂ ਇਹ ਪਾਕਿਸਤਾਨ ਲਈ ਫਾਇਦੇਮੰਦ ਹੀ ਸਾਬਤ ਹੋਈ ਹੈ.ਓਲਾਪੱਲੀ ਇਸ ਤੋਂ ਪਹਿਲਾਂ ਯੂਐਸ ਇੰਸਟੀਚਿਊਟ ਆਫ ਪੀਸ ਵਿਚ ਸਾਉਥ ਏਸ਼ੀਆ ਪ੍ਰੋਗਰਾਮ ਦੀ ਅਗਵਾਈ ਕਰ ਚੁੱਕੀ ਹੈ ਅਤੇ ਸਵਾਰਥਮੋਰ ਕਾਲਜ ਵਿਚ ਰਣਨੀਤੀ ਵਿਗਿਆਨ ਦੀ ਸਹਾਇਕ ਪ੍ਰੋਫੈਸਰ ਵਜੋਂ ਵੀ ਕੰਮ ਕਰ ਚੁੱਕੀ ਹੈ.ਇਸ ਤੋਂ ਅਲਾਵਾ ਉਹ ਬੰਗਲੌਰ ਵਿਚ ਨੈਸ਼ਨਲ ਇੰਸਟੀਚਿਊਟ ਫਾਰ ਅਡਵਾਂਸ ਸਟਡੀਜ਼ ਵਿਚ ਇੰਟਰਨੈਸ਼ਨਲ ਸਟ੍ਰੈਟੇਜਿਕ ਸਟਡੀਜ਼ ਦੀ ਮੁਖੀ ਵੀ ਰਹਿ ਚੁੱਕੀ ਹੈ.