ਫਰਾਂਸ ਸਿੱਖ ਕੌਂਸਲ ਵਲੋਂ ਪ੍ਰਧਾਨ ਮੰਤਰੀ ਨੂੰ ਅਪੀਲ

ਫਰਾਂਸ ਸਿੱਖ ਕੌਂਸਲ ਵਲੋਂ ਪ੍ਰਧਾਨ ਮੰਤਰੀ ਨੂੰ ਅਪੀਲਪੈਰਿਸ 31ਮਾਰਚ(ਧਰਮਵੀਰ ਨਾਗਪਾਲ) ਸ੍ਰ; ਬਸੰਤ ਸਿੰਘ ਪੰਜਹੱਥਾ ਪ੍ਰਧਾਨ ਸਿੱਖ ਕੌਂਸਲ ਨੇ ਮੀਡੀਆ ਨੂੰ ਜਾਣਕਾਰੀ ਦਿੰਦੇ ਹੋਏ ਭਾਰਤ ਦੇ ਸਤਿਕਾਰਯੋਗ ਪ੍ਰਧਾਨ ਮੰਤਰੀ ਡਾ; ਮਨਮੋਹਨ ਸਿੰਘ ਨੂੰ ਬੇਨਤੀ ਕਰਦਿਆ ਕਿਹਾ ਹੈ ਆਪ ਨੂੰ ਦੁਨਿਆ ਦੇ ਸਭ ਤੋਂ ਵੱਡੇ ਲੋਕਤੰਤਰ ਦਾ ਪ੍ਰਧਾਨ ਮੰਤਰੀ ਹੋਣ ਦਾ ਮਾਨ ਪ੍ਰਾਪਤ ਹੈ ਪਰ ਇਕ ਸਿੱਖ ਹੋਣ ਦੇ ਨਾਤੇ ਆਪ ਜੀ ਸਿੱਖ ਕੌਮ ਦਾ ਨਾਂ ਵੀ ਸੰਸਾਰ ਵਿੱਚ ਰੋਸ਼ਨ ਕੀਤਾ ਹੈ ਜਿਸ ਦਾ ਸਿੱਖ ਕੌਮ ਨੂੰ ਆਪ ਜੀ ਤੇ ਮਾਨ ਹੈ ਪਰ ਬਦਕਿਸਮਤੀ ਨਾਲ ਫਰਾਂਸ ਵਿੱਚ ਪੱਗ ਦਾ ਮਸਲਾ ਵੀਆਪ ਜੀ ਦੇ ਕਾਰਜਕਾਲ ਦੌਰਾਨ ਉੱਭਰ ਕੇ ਸਾਹਮਣੇ ਆਇਆ ਹੈ। ਇਸੇ ਲਈ ਫਰਾਂਸ ਦੇ ਸਿੱਖ ਵੱਖ ਵੱਖ ਸਮੇਂ ਤੇ ਕਈ ਵਾਰ ਇਸ ਮਸਲੇ ਬਾਰੇ ਆਪ ਜੀ ਤੀਕ ਪਹੁੰਚ ਵੀ ਕਰਦੇ ਰਹੇ ਹਨ ਪਰ ਅਜੇ ਤੀਕ ਇਸ ਮਸਲੇ ਉੱਤੇ ਕੋਈ ਖਾਸ ਪ੍ਰਗਤੀ ਨਹੀਂ ਹੋ ਸਕੀ ਜੋ ਬਹੁਤ ਹੀ ਅਫਸੋਸਨਾਕ ਹੈ।ਫਰਾਂਸ ਦੇ ਸਿੱਖਾਂ ਨੂੰ ਜੇ ਆਪ ਜੀ ਦੇ ਪ੍ਰਧਾਨ ਮੰਤਰੀ ਹੋਣ ਤੇ ਮਾਣ ਹੈ ਤਾਂ ਇਸ ਦੇ ਨਾਲ ਹੀ ਉਹ ਆਪ ਜੀ ਕੋਲੋਂ ਇਸ ਮਸਲੇ ਨੂੰ ਸੰਜੀਦਗੀ ਨਾਲ ਅਤੇ ਪਹਿਲ ਦੇ ਤੌਰ ਤੇ ਹਲ ਕਰਾਉਣ ਦੀ ਵੀ ਆਸ ਰਖਦੇ ਹਨ। ਆਪ ਜੀ ਆਪਣੇ ਕਾਰਜ ਕਾਲ ਦੌਰਾਨ ਇਸ ਮਸਲੇ ਨੂੰ ਹਲ ਕਰਾ ਗਏ ਤਾਂ ਆਪ ਜੀ ਦਾ ਨਾਂ ਭਾਰਤ ਦੇ ਇਤਿਹਾਸ ਦੇ ਨਾਲ ਨਾਲ ਸਿੱਖ ਇਤਿਹਾਸ ਵਿੱਚ ਵੀ ਸੁਨਹਿਰੇ ਅੱਖਰਾਂ ਵਿੱਚ ਲਿਖਿਆ ਜਾਵੇਗਾ।ਇਹ ਮਸਲਾ ਕਿਸੇ ਇੱਕ ਵਿਅਕਤੀ ਜਾਂ ਸੰਸਥਾਂ ਦਾ ਨਹੀਂ ਸਗੋਂ ਸਾਰੇ ਸਿੱਖ ਜਗਤ ਦਾ ਹੈ। ਇਸ ਮਸਲੇ ਉਤੇ ਜੋ ਸਤਿਕਾਰਯੋਗ ਬੀਬੀ ਪ੍ਰਨੀਤ ਕੌਰ ਵਿਦੇਸ਼ ਰਾਜ ਮੰਤਰੀ ਭਾਰਤ ਵਲੋਂ ਕੋਈ ਪਹਿਲ ਕਦਮੀ ਕੀਤੀ ਗਈ ਹੈ ਤਾਂ ਅਸੀ ਇਸ ਦਾ ਸੁਆਗਤ ਕਰਦੇ ਹਾਂ ਅਤੇ ਅਗੌ ਵੀ ਆਸ ਕਰਦੇ ਹਾਂ ਕਿ ਉਹ ਇਸ ਮਸਲੇ ਨੂੰ ਹਲ ਕਰਾਉਣ ਲਈ ਆਪਣਾ ਯੋਗਦਾਨ ਪਾਉਂਦੇ ਰਹਿਣਗੇ, ਨਾਲ ਹੀ ਅਸੀ ਇਹ ਅਪੀਲ ਵੀ ਕਰਨਾ ਚਾਹਾਂਗੇ ਕਿ ਜਦੌ ਤੀਕ ਇਸ ਮਸਲੇ ਦਾ ਕੋਈ ਠੋਸ ਤੇ ਪ੍ਰਮਾਣਿਤ ਹਲ ਨਹੀਂ ਨਿਕਲਦਾ ਮੀਡੀਆ ਨੂੰ ਕੋਈ ਵੀ ਬਿਆਨ ਜਾਰੀ ਕਰਨ ਤੋਂ ਪਹਿਲਾ, ਫਰਾਂਸ ਵਿੱਚ ਕਾਇਮ ਮੁਕਾਮ ਅਤੇ ਸੰਬੰਧਿਤ ਵਿਅਕਤੀ ਨਾਲ ਸੰਪਰਕ ਕਰ ਲਿਆ ਜਾਵੇ ਤਾਂ ਬੇਹੱਤਰ ਹੋਵੇਗਾ ਅਤੇ ਕੋਈ ਗਲਤ ਫਹਿਮੀ ਪੈਦਾ ਨਹੀਂ ਹੋਵੇਗੀ।ਅਸੀਂ ਸਮੂਹ ਫਰਾਂਸ ਸਿੱਖ ਕੌਂਸਲ ਸਤਿਕਾਰਯੋਗ ਪ੍ਰਧਾਨ ਮੰਤਰੀ ਜੀ ਅਤੇ ਬੀਬੀ ਪ੍ਰਨੀਤ ਕੌਰ ਜੀ ਅੱਗੇ ਦੌਬਾਰਾ ਅਪੀਲ ਕਰਦੇ ਹਾਂ ਕਿ ਇਸ ਮਸਲੇ ਨੂੰ ਗੰਭੀਰਤਾ ਨਾਲ ਲੈਕੇ,ਸੁਯੋਗ ਹੱਲ ਲਭਿਆ ਜਾਵੇ।ਇਸ ਬੇਨਤੀ ਪੱਤਰ ਤੇ ਸ੍ਰ; ਬਸੰਤ ਸਿੰਘ ਜੀ ਪੰਜਹੱਥਾ ਮੋਬਾਈਲ ਨੰਬਰ+33660324997, ਸ੍ਰ; ਸਿੰਗਾਰਾ ਸਿੰਘ ਮਾਨ, ਸ਼ਨਾਖਤੀ ਕਾਰਡ ਤੇ ਡਰਾਈਵਿੰਗ ਲਾਈਸੈਂਸ ਕੇਸ ਸੰਬਧਿਤ ਮੋਬਾਈਲ ਨੰ;+33661055257 ਤੇ ਬਾਬਾ ਰਣਜੀਤ ਸਿੰਘ(ਅੰਬਾਲਾ) ਸ਼ਨਾਖਤੀ ਕਾਰਡ ਕੇਸ ਸੰਬਧਿਤ ਟੇਲੀਫੋਨ ਨੰ;+33146366258 ਦੇ ਨਾ ਦਰਜ ਕੀਤੇ ਗਏ ਹਨ।