ਪ੍ਰੈਸ ਨੋਟ

ਪ੍ਰੈਸ ਨੋਟ
ਗਲੋਬਲ ਪੰਜਾਬ ਫਾਊਂਡੇਸ਼ਨ ਨੇ ਲੋਕ ਸਭਾ ਚੋਣਾਂ ਵਿਚ 'ਵੋਟਰਾਂ ਲਈ ਚੋਣ ਏਜੰਡਾ' ਜਾਰੀ ਕਰਨ ਦਾ ਫੈਸਲਾ ਕੀਤਾ ਹੈ। ਫਾਊਂਡੇਸ਼ਨ ਚੇਅਰਮੈਨ ਡਾ. ਹਰਜਿੰਦਰ ਵਾਲੀਆ ਨੇ ਕਿਹਾ ਕਿ ਸਿਆਸੀ ਲੋਕ ਅਤੇ ਦਲ ਵਿਚਾਰਧਾਰਕ ਤੌਰ ਤੇ ਬਾਂਝ ਹੋ ਰਹੇ ਹਨ ਅਤੇ ਵਿਚਾਰਧਾਰਾ ਦੀ ਥਾਂ ਸੱਤਾ ਦੀ ਸਿਆਸਤ ਭਾਰੂ ਹੋ ਰਹੀ ਹੈ ਨਤੀਜੇ ਵਜੋਂ ਸਵਾਰਥੀ ਲੋਕ ਆਪਣੇ ਸਵਾਰਥੀ ਹਿੱਤਾਂ ਦੀ ਪੂਰਤੀ ਲਈ ਵਫਾਦਾਰੀਆਂ ਬਦਲ ਰਹੇ ਹਨ। ਡਾ. ਵਾਲੀਆ ਨੇ ਕਿਹਾ ਕਿ ਅਜਿਹੇ ਹਾਲਾਤ ਵਿਚ ਵੋਟਰਾਂ ਦਾ ਚੇਤੰਨ ਅਤੇ ਜਾਗਰੂਪ ਹੋਣਾ ਬਹੁਤ ਜ਼ਰੂਰੀ ਹੈ ਤਾਂ ਕਿ ਉਹ ਦੇਸ਼ ਦੀ ਵਾਂਗਡੋਰ ਸਹੀ ਹੱਥਾਂ ਵਿਚ ਜਾ ਸਕੇ। ਇਸ ਉਦੇਸ਼ ਨੂੰ ਮੁੱਖ ਰੱਖਦੇ ਹੋਏ ਗਲੋਬਲ ਪੰਜਾਬ ਫਾਊਂਡੇਸ਼ਨ ਨੇ ਪੰਜਾਬ ਦੇ ਨਿਰਪੱਖ ਬੁੱਧੀਜੀਵੀਆਂ ਦੇ ਨਾਲ ਵਿਚਾਰ ਵਿਟਾਂਦਰੇ ਤੋਂ ਬਾਅਦ ਵੋਟਰਾਂ ਨੂੰ ਜਾਗਰਿਤ ਕਰਨ ਹਿੱਤ ਇੱਕ ਵੋਟਰ ਏਜੰਡਾ ਤਿਆਰ ਕੀਤਾ ਹੈ ਤਾਂ ਜੋ ਭ੍ਰਿਸ਼ਟ, ਦਲ ਬਦਲੂ ਅਤੇ ਮੁਜ਼ਰਮ ਪੇਸ਼ਾ ਲੋਕਾਂ ਦੀ ਥਾਂ ਪੜ੍ਹੇ ਲਿਖੇ, ਇਮਾਨਦਾਰ ਅਤੇ ਲੋਕ ਹਿੱਤਾਂ ਦੀ ਗੱਲ ਕਰਨ ਵਾਲੇ ਲੋਕਾਂ ਦੀ ਨਿਸ਼ਾਨਦੇਹੀ ਹੋ ਸਕੇ ਅਤੇ ਸਹੀ ਉਮੀਦਵਾਰ ਚੁਨਣ ਲਈ ਉਹ ਪ੍ਰੇਰਤ ਹੋ ਸਕਣ। ਵੋਟਾਂ ਖਰੀਦਨ ਵਾਲੇ, ਧਰਮ ਅਤੇ ਜਾਤ ਦੇ ਨਾਮ ਵੋਟਾਂ ਮੰਗਣ ਵਾਲੇ ਅਤੇ ਸ਼ਰਾਬ ਅਤੇ ਨਸ਼ੇ ਵੰਡਣ ਵਾਲੇ ਉਮੀਦਵਾਰਾਂ ਨੂੰ ਨਕਾਰਨ ਦਾ ਹੋਕਾ ਦਿੱਤਾ ਜਾਵੇਗਾ। ਡਾ. ਵਾਲੀਆ ਨੇ ਕਿਹਾ ਕਿ ਜਲਦੀ ਹੀ ਇਹ ਏਜੰਡਾ ਮੀਡੀਆ ਰਾਹੀਂ ਅਤੇ ਪੋਸਟਰਾਂ ਦੇ ਰੂਪ ਵਿਚ ਛਾਪ ਕੇ ਲੋਕਾਂ ਤੱਕ ਪਹੁੰਚਾਇਆ ਜਾਵੇਗਾ। ਉਨ੍ਹਾਂ ਕਿਹਾ ਵੋਟਰ ਨੂੰ ਜਿੱਥੇ ਉਮੀਦਵਾਰ ਦਾ ਪਿਛੋਕੜ ਅਤੇ ਉਸਦੀ ਪਿਛਲੀ ਕਾਰਗੁਜਾਰੀ ਤੋਂ ਜਾਣੂ ਕਰਵਾਇਆ ਜਾਵੇਗਾ ਉਥੇ ਉਨ੍ਹਾਂ ਨੂੰ ਚੋਣ ਪ੍ਰਕ੍ਰਿਆ ਵਿਚ ਹਿੱਸਾ ਲੈਣ ਲਈ ਵੀ ਪ੍ਰੇਰਿਤ ਕੀਤਾ ਜਾਵੇਗਾ। ਡਾ. ਵਾਲੀਆ ਨੇ ਨਿਰਪੱਖ ਸੋਚ ਵਾਲੇ ਬੁੱਧੀ ਜੀਵੀਆਂ ਅਤੇ ਲੋਕਾਂ ਨੂੰ ਫਾਊਂਡੇਸ਼ਨ ਦੀ ਇਸ ਮਹਿੰਮ ਦਾ ਹਿੱਸਾ ਬਨ੍ਹਣ ਲਈ ਸੱਦਾ ਦਿੱਤਾ।