ਭਲਕੇ ਖੁੱਲਣਗੇ ਕਿਸਮਤ ਦੇ ਤਾਲੇ

ਭਲਕੇ ਖੁੱਲਣਗੇ ਕਿਸਮਤ ਦੇ ਤਾਲੇ ਨਵੀਂ ਦਿੱਲੀ(ਭਾਸ਼ਾ), ਸ਼ੁਕਰਵਾਰ, 15 ਮਈ 2009   ( 15:35 IST ) 15ਵੀਂ ਲੋਕਸਭਾ ਚੌਣਾਂ ਲਈ ਪਿਛਲੇ ਕਰੀਬ ਇੱਕ ਮਹੀਨੇ ਤੱਕ ਚੱਲੇ ਲੜ੍ਹੀਬੱਧ ਤਰੀਕੇ ਨਾਲ ਹੋਏ ਮਤਦਾਨ ਦੇ ਖਤਮ ਹੋਣ ਦੇ ਤਿੰਨ ਮਗਰੋਂ ਭਲਕੇ ਵੋਟਾਂ ਦੀ ਗਿਣਤੀ ਦਾ ਕੰਮ ਸ਼ੁਰੂ ਹੋਵੇਗਾ.ਚੌਣ ਆਯੋਗ ਨੇ ਦੇਸ਼ਭਰ ਵਿਚ ਵੋਟਾਂ ਦੀ ਗਿਣਤੀ ਲਈ ਵਿਆਪਕ ਤਿਆਰੀ ਕੀਤੀ ਹੈ. ਨਵੀਂ ਲੋਕਸਭਾ ਦੀਆਂ 543 ਸੀਟਾਂ ਲਈ ਹੋਈ ਚੌਣਾਂ ਵਿਚ ਵੋਟਾਂ ਦੀ ਗਿਣਤੀ ਲਈ ਦੇਸ਼ ਭਰ ਵਿਚ ਕੁੱਲ 1080 ਗਿਣਤੀ ਕੇਂਦਰ ਬਣਾਏ ਗਏ ਹਨ ਜਿੱਥੇ ਸਖਤ ਸੁਰੱਖਿਆ ਵਿਚਕਾਰ ਕੁੱਲ ਮਿਲਾਕੇ 4260 ਹਾਲਾਂ ਵਿਚ ਵੋਟਾਂ ਦੀ ਗਿਣਤੀ ਦਾ ਕੰਮ ਹੋਵੇਗਾ. ਇਸ ਕੰਮ ਵਿਚ 60 ਹਜ਼ਾਰ ਤੋਂ ਵੱਧ ਸਰਕਾਰੀ ਅਧਿਕਾਰੀ ਅਤੇ ਕਰਮਚਾਰੀ ਭਾਗ ਲੈਣਗੇ.ਵੋਟਾਂ ਦਾ ਕੰਮ ਸਵੇਰੇ 8 ਵਜੇ ਤੋਂ ਸ਼ੁਰੂ ਹੋਵੇਗਾ. ਇਸ ਦੇ ਨਾਲ ਹੀ ਤਿੰਨ ਰਾਜਾਂ ਆਂਧਰਾ ਪ੍ਰਦੇਸ਼, ਉੜੀਸਾ ਅਤੇ ਸਿੱਕਮ ਵਿਚ ਹੋਈਆਂ ਵਿਧਾਨਸਭਾ ਚੌਣਾਂ ਲਈ ਵੀ ਵੋਟਾਂ ਦੀ ਗਿਣਤੀ ਦਾ ਕੰਮ ਵੀ ਭਲਕੇ ਹੀ ਸ਼ੁਰੂ ਹੋਵੇਗਾ. ਚੌਣ ਸਿੱਟੇ ਜਲਦੀ ਤੋਂ ਜਲਦੀ ਜਨਤਾ ਤੱਕ ਪੁਜਾਉਣ ਲਈ ਆਯੋਗ ਨੇ ਇੱਕ ਵਿਸ਼ੇਸ਼ ਵੈਬਸਾਇਟ 'ਡਬਲਿਊਡਬਲਿਊ ਡਾਟ ਈਸੀਆਈ ਰਿਜ਼ਲਟਸ ਡਾਟ ਐਨਆਈਸੀ ਡਾਟ ਇਨ' ਦੀ ਸ਼ੁਰੂਆਤ ਕੀਤੀ ਹੈ ਜਿਸ ਰਾਹੀਂ ਚੌਣ ਸਿੱਟੇ ਵੇਖੇ ਜਾ ਸਕਣਗੇ.