ਪੱਤਰਕਾਰਾਂ ਦੀ ਰਾਹੁਲ ਨੂੰ ਅਪੀਲ

ਪੱਤਰਕਾਰਾਂ ਦੀ ਰਾਹੁਲ ਨੂੰ ਅਪੀਲ
ਨਵੀਂ ਦਿੱਲੀ(ਭਾਸ਼ਾ), ਵੀਰਵਾਰ, 19 ਫਰਵਰੀ 2009 ( 10:28 IST )
ਪੱਤਰਕਾਰਾਂ ਦੇ ਇੱਕ ਸਮੂਹ ਨੇ ਰਾਹੁਲ ਗਾਂਧੀ ਨਾਲ ਮੁਲਾਕਾਤ ਕੀਤੀ ਅਤੇ ਪਾਰਟੀ ਦੇ ਨੌਜਵਾਨ ਵਿੰਗ ਵੱਲੋਂ ਕੁੱਝ ਪੱਤਰਕਾਰਾਂ ਖਿਲਾਫ ਦਰਜ ਕਰਾਏ ਗਏ ਕਾਗਜਾਤ ਚੋਰੀ ਦੇ ਮਾਮਲੇ ਨੂੰ ਵਾਪਸ ਲੈਣ ਦੀ ਅਪੀਲ ਕੀਤੀ.ਸ਼ਿਕਾਇਤ ਵਿਚ ਜਿੰਨ੍ਹਾਂ ਪੱਤਰਕਾਰਾਂ ਦੇ ਨਾਂ ਹਨ, ਉਹਨਾਂ ਨੇ ਵੀ ਰਾਹੁਲ ਨਾਲ ਮੁਲਾਕਾਤ ਕੀਤੀ ਅਤੇ ਦਰਜ ਮਾਮਲਾ ਵਾਪਸ ਲੈਣ ਦੀ ਅਪੀਲ ਕੀਤੀ.ਉਹਨਾਂ ਕਿਹਾ ਕਿ ਕਾਗਜਾਤ ਚੁੱਕਣ ਪਿੱਛੇ ਉਹਨਾਂ ਦਾ ਗਲਤ ਮੰਤਵ ਨਹੀਂ ਸੀ.ਉਹਨਾਂ ਕਿਹਾ ਕਿ ਅਪਰਾਧਕ ਮਾਮਲਾ ਦਰਜ ਹੋਣ ਨਾਲ ਉਹਨਾਂ ਦੇ ਕੈਰੀਅਰ ਉੱਪਰ ਮਾੜ੍ਹਾ ਪ੍ਰਭਾਵ ਪਵੇਗਾ.ਗਾਂਧੀ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ਮਾਮਲੇ ਨੂੰ ਲੈ ਕੇ ਉਹ ਹਮਲਾਵਰ ਨਹੀਂ ਹੋਣ ਜਾ ਰਹੇ ਪਰ ਨਾਲ ਹੀ ਉਹਨਾਂ ਨੇ ਇਹ ਵੀ ਯਕੀਨੀ ਬਨਾਉਣਾ ਹੈ ਕਿ ਇੰਝ ਉਹਨਾਂ ਦੀ ਪਾਰਟੀ ਦਾ ਕੰਮਕਾਜ ਪ੍ਰਭਾਵਤ ਨਾ ਹੋਵੇ.ਭੋਜਨ ਵੇਲ੍ਹੇ ਐਨਐਸਯੂਆਈ ਵਰਕਰਾਂ ਦੀ ਗੈਰ ਮੌਜੂਦਗੀ ਵਿਚ ਜਿਵੇਂ ਕਾਗਜਾਤ ਚੁੱਕੇ ਗਏ ਸਨ ਉਸ ਉੱਪਰ ਉਹਨਾਂ ਨੇ ਸਖਤ ਇਤਰਾਜ ਜ਼ਾਹਰ ਕੀਤਾ ਸੀ.ਉਹਨਾਂ ਪੱਤਰਕਾਰਾਂ ਨੂੰ ਪੁੱਛਿਆ ਕਿ ਉਹ ਜਾਂ ਐਨਐਸਯੂਆਈ ਦੇ ਕੁੱਝ ਵਰਕਰ ਜੇਕਰ ਉਹਨਾਂ ਦੇ ਦਫਤਰ ਵਿਚ ਦਾਖਲ ਹੋ ਕੇ ਉਸੇ ਤਰ੍ਹਾਂ ਮਹਤੱਵਪੂਰਨ ਕਾਗਜਾਤ ਲੈ ਜਾਂਦੇ ਤਾਂ ਉਹਨਾਂ ਦੀ ਕੀ ਪ੍ਰਤੀਕ੍ਰਿਆ ਹੁੰਦੀ.ਬੀਤੇ ਮਹੀਨੇ ਐਨਐਸਯੂਆਈ ਦੇ ਪ੍ਰਧਾਨ ਹਿਬੀ ਇਡੇਨ ਦੀ ਸ਼ਿਕਾਇਤ ਉੱਪਰ ਪੁਲਿਸ ਨੇ ਮਾਮਲਾ ਦਰਜ ਕੀਤਾ ਸੀ.ਇਡੇਨ ਨੇ ਸ਼ਿਕਾਇਤ ਕੀਤੀ ਸੀ ਕਿ ਕੰਸਟੀਚਿਉਸ਼ਨ ਕਲੱਬ ਵਿਚ ਐਨਐਸਯੂਆਈ ਦੀ ਬੈਠਕ ਦੌਰਾਨ ਰਿਸਰਚ ਪੇਪਰ ਸਮੇਤ ਕੁੱਝ ਕਾਗਜਾਤ ਗਾਇਬ ਹੋ ਗਏ ਸਨ.ਬੈਠਕ ਵਿਚ ਰਾਹੁਲ ਗਾਂਧੀ ਵੀ ਮੌਜੂਦ ਸਨ.