ਅਡਵਾਨੀ ਨੇ ਕੀਤੀ ਪ੍ਰਣਬ ਦੀ ਪ੍ਰਸ਼ੰਸਾ

ਅਡਵਾਨੀ ਨੇ ਕੀਤੀ ਪ੍ਰਣਬ ਦੀ ਪ੍ਰਸ਼ੰਸਾ
ਨਵੀਂ ਦਿੱਲੀ (ਭਾਸ਼ਾ), ਮੰਗਲਵਾਰ, 17 ਫਰਵਰੀ 2009 ( 17:22 IST )
ਸੰਪ੍ਰਗ ਸਰਕਾਰ ਦੇ ਸੰਕਟ ਮੋਚਨ ਪ੍ਰਣਬ ਮੁਖ਼ਰਜੀ ਉੱਤੇ ਅੱਜ ਵਿਰੋਧੀ ਧਿਰ ਦੇ ਨੇਤਾ ਲਾਲਕ੍ਰਿਸ਼ਨ ਅਡਵਾਨੀ ਨੇ ਪ੍ਰਸ਼ੰਸਾ ਦੇ ਫੁੱਲਾਂ ਦੀ ਵਰਖ਼ਾ ਕੀਤੀ. ਲੋਕ ਸਭਾ ਵਿੱਚ ਰਾਸ਼ਟਰਪਤੀ ਦੇ ਪ੍ਰਤੀਕਾਤਮਕ ਭਾਸ਼ਣ ਉੱਤੇ ਚਰਚਾ ਵਿੱਚ ਹਿੱਸਾ ਲੈਣ ਦੇ ਦੌਰਾਨ ਅਡਵਾਨੀ ਨੇ ਕੇਂਦਰੀ ਵਿਦੇਸ਼ ਮੰਤਰੀ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਮੈਂ ਕਦੇ ਕਦੇ ਸੋਚਦਾ ਹਾਂ ਕਿ ਪ੍ਰਣਬ ਜੇਕਰ ਸੰਪ੍ਰਗ 'ਚ ਨਹੀਂ ਹੁੰਦੇ ਤਾਂ ਇਹ ਸਰਕਾਰ ਕੀ ਕਰਦੀ. ਅਡਵਾਨੀ ਦੀ ਇਸ ਟਿੱਪਣੀ ਉੱਤੇ ਉਹਨਾਂ ਨੇ ਦੋਵੇਂ ਹੱਥ ਜੋੜ੍ਹਕੇ ਉਪਰ ਚੁੱਕਦਿਆਂ ਅਤੇ ਮੁਸਕਰਾਉਂਦਿਆਂ ਧੰਨਵਾਦ ਕੀਤਾ. ਅਡਵਾਨੀ ਨੇ ਕਿਹਾ ਕਿ ਰਾਸ਼ਟਰਪਤੀ ਦੇ ਪ੍ਰਤੀਕਾਤਮਕ ਭਾਸ਼ਣ ਉੱਤੇ ਧੰਨਵਾਦ ਦਾ ਇਹ ਪਹਿਲਾ ਪ੍ਰਸਤਾਵ ਹੈ, ਜਦੋਂ ਪ੍ਰਧਾਨ ਮੰਤਰੀ ਗੈਰ ਹਾਜ਼ਰ ਹਨ. ਉਹਨਾਂ ਨੇ ਕਿਹਾ ਕਿ ਮੇਰੀ ਕਾਮਨਾ ਹੈ ਕਿ ਉਹ ਜਲਦ ਤੰਦਰੁਸਤ ਹੋਕੇ ਸੰਸਦ ਦੀ ਕਾਰਵਾਈ ਵਿੱਚ ਹਿੱਸਾ ਲੈਣ.ਸਾਬਕਾ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਈ ਦੀ ਚਰਚਾ ਕਰਦਿਆਂ ਵਿਰੋਧੀ ਧਿਰ ਦੇ ਨੇਤਾ ਨੇ ਕਿਹਾ ਕਿ ਮੇਰੇ ਆਪਣੇ ਨੇਤਾ ਸਾਬਕਾ ਪ੍ਰਧਾਨ ਮੰਤਰੀ ਵੀ ਤੰਦਰੁਸਤ ਨਹੀਂ ਹਨ. ਮੈਂ ਸਮਝਦਾ ਹਾਂ ਕਿ ਤੁਹਾਡੀ ਵੀ ਕਾਮਨਾ ਹੋਵੇਗੀ ਕਿ ਉਹ ਤੰਦਰੁਸਤ ਹੋਕੇ ਸਦਨ ਵਿੱਚ ਆ ਸਕਣ. ਇਸ ਤੋਂ ਪਹਿਲਾਂ ਸਦਨ ਦੇ ਭੋਜਨ ਲਈ ਸਥਗਤ ਹੋਣ ਉੱਤੇ ਮੁਖ਼ਰਜੀ ਖੁਦ ਵਿਰੋਧੀ ਧਿਰ ਵਿੱਚ ਅਡਵਾਨੀ ਦੇ ਕੋਲ ਗਏ ਅਤੇ ਕਾਫੀ ਦੇਰ ਤੱਕ ਦੋਵਾਂ ਦੇ ਦਰਮਿਆਨ ਕਾਫੀ ਗੱਲਬਾਤ ਹੋਈ.