ਮਨਮੋਹਨ ਸਿੰਘ ਪਹੁੰਚੇ ਇਟਲੀ ਰੋਮ

ਮਨਮੋਹਨ ਸਿੰਘ ਪਹੁੰਚੇ ਇਟਲੀ ਰੋਮ , ਬੁੱਧਵਾਰ, 8 ਜੁਲਾਈ 2009( 16:13 IST ) ਵਾਰਤਾ ਉਦਯੋਗਿਕ ਦੇਸ਼ਾਂ ਦੇ ਸੰਗਠਨ ਜੀ-8 ਦੇ ਸਿਖਰ ਸੰਮੇਲਨ 'ਚ ਭਾਗ ਲੈਣ ਦੇ ਇਟਲੀ ਦੇ ਪਰਬਤੀ ਸ਼ਹਿਰ ਲਕਿਵਲਾ ਜਾ ਰਹੇ ਭਾਰਤ ਦੇ ਪ੍ਰਧਾਨਮੰਤਰੀ ਮਨਮੋਹਨ ਸਿੰਘ ਅੱਜ ਸ਼ਾਮ ਇੱਥੇ ਪਹੁੰਚੇ। ਸੰਮੇਲਨ ਦੌਰਾਨ ਜੀ-8 ਦੇਸ਼ਾਂ ਦੇ ਨੇਤਾ ਆਰਥਿਕ ਮੰਦੀ,ਜਲਵਾਯੂ ਪਰਿਵਰਤਨ,ਊਰਜ਼ਾ ਅਤੇ ਖਾਧ ਸੁਰੱਖਿਆ 'ਤੇ ਚਰਚਾ ਕਰਨਗੇ।ਜੀ-8 ਦੇਸ਼ਾਂ ਦਾ ਤਿੰਨ ਦਿਨਾ ਸਿਖਰ ਸੰਮੇਲਨ ਬੁੱਧਵਾਰ ਤੋਂ ਲਕੀਵਲਾ 'ਚ ਸ਼ੁਰੂ ਹੋਵੇਗਾ।ਸੰਮੇਲਨ 'ਚ ਅਮਰੀਕਾ,ਰੂਸ,ਬ੍ਰਿਟੇਨ,ਫ੍ਰਾਂਸ,ਇਟਲੀ,ਕਨਾਡਾ,ਜਰਮਨੀ ਅਤੇ ਜਪਾਨ ਦੇ ਨੇਤਾ ਵੈਸ਼ਵਿਕ ਮੁੱਦਿਆਂ 'ਤੇ ਬੈਠਕ ਦੌਰਾਨ ਚਰਚਾ ਕਰਨਗੇ। ਡਾ.ਸਿੰਘ ਚੀਨ,ਮੈਕਸੀਕੋ,ਦੱਖਣੀ ਅਫ਼ਰੀਕਾ ਅਤੇ ਬ੍ਰਾਜ਼ੀਲ ਦੇ ਨਾਲ ਜੀ-5 ਸੰਮੇਲਨ 'ਚ ਭਾਗ ਲੈਣਗੇ।ਬੈਠਕ 'ਚ ਵੈਸ਼ਵਿਕ ਆਰਥਿਕ ਮੰਦੀ ਦੇ ਕਾਰਣਾ 'ਤੇ ਵਿਚਾਰ ਕੀਤਾ ਜਾਵੇਗਾ ਅਤੇ ਨਾਲ ਹੀ ਸੰਗਠਨ ਦੇ ਮੈਂਬਰ ਇਸ ਗੱਲ 'ਤੇ ਵਿਚਾਰ ਵਟਾਂਦਰਾ ਕਰਨਗੇ ਕਿ ਵਿਸ਼ਵ ਅਰਥਵਿਵਸਥਾ ਨੂੰ ਅੱਗੇ ਲੈ ਜਾਣ ਲਈ ਕੀ ਕਦਮ ਉਠਾਏ ਜਾਣ।ਭਾਰਤ ਜੀ-8 ਦੇ ਸਿਖਰ ਸੰਮੇਲਨ 'ਚ ਲਗਾਤਾਰ ਪੰਜਵੇਂ ਸਾਲ ਸ਼ਿਰਕਤ ਕਰ ਰਿਹਾ ਹੈ।