ਭ੍ਰਿਸ਼ਟਾਚਾਰ ਦੇ ਦੋਸ਼ ਹੇਠ ਐਫ ਬੀ ਆਈ ਦੇ ਹੱਥੇ ਚੜ੍ਹੇ ਧਰਮ ਗੁਰੂ ਅਤੇ ਰਾਜਨੇਤਾ ਵਾਸ਼ਿੰਗਟਨ,24 ਜੁਲਾਈ : ਅਮਰੀਕੀ ਜਾਂਚ ਏਜੰਸੀ ਐਫ ਬੀ ਆਈ ਨੇ ਨਿਊਜਰਸੀ ਸੂਬੇ 'ਚ ਇਕ ਵੱਡੇ ਭ੍ਰਿਸ਼ਟਾਚਾਰ ਦੇ ਮਾਮਲੇ 'ਚ 40 ਤੋਂ ਜ਼ਿਆਦਾ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀ

ਭ੍ਰਿਸ਼ਟਾਚਾਰ ਦੇ ਦੋਸ਼ ਹੇਠ ਐਫ ਬੀ ਆਈ ਦੇ ਹੱਥੇ ਚੜ੍ਹੇ ਧਰਮ ਗੁਰੂ ਅਤੇ ਰਾਜਨੇਤਾ

ਵਾਸ਼ਿੰਗਟਨ,24 ਜੁਲਾਈ : ਅਮਰੀਕੀ ਜਾਂਚ ਏਜੰਸੀ ਐਫ ਬੀ ਆਈ ਨੇ ਨਿਊਜਰਸੀ ਸੂਬੇ 'ਚ ਇਕ ਵੱਡੇ ਭ੍ਰਿਸ਼ਟਾਚਾਰ ਦੇ ਮਾਮਲੇ 'ਚ 40 ਤੋਂ ਜ਼ਿਆਦਾ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ਵਿਚ ਰਾਜਨੇਤਾ, ਅਧਿਕਾਰੀ, ਮੇਅਰ ਅਤੇ ਯਹੂਦੀ ਧਰਮ ਗੁਰੂ ਵੀ ਸ਼ਾਮਲ ਹਨ। ઠਇਹ ਗ੍ਰਿਫਤਾਰੀਆਂ ਲਗਭਗ 10 ਸਾਲ ਚੱਲੀ ਜਾਂਚ ਤੋਂ ਬਾਅਦ ਹੋਈਆਂ ਹਨ। ਜਾਂਚ ਦੌਰਾਨ ਅਮਰੀਕੀ ਇਜ਼ਰਾਇਲ ਅਤੇ ਸਵਿਟਜ਼ਰਲੈਂਡ 'ਚ ਕਾਲੇ ਧਨ ਦੇ ਵਪਾਰ ਨੂੰ ਲੈ ਕੇ ਕਿਡਨੀ ਦੀ ਤਸਕਰੀ ਤੱਕ ਦੇ ਮਾਮਲੇ ਸਾਹਮਣੇ ਆਏ ਹਨ। ਗ੍ਰਿਫਤਾਰ ਲੋਕਾਂ ਵਿਚ ਨਿਊਜਰਸੀ ਸੂਬੇ ਦੇ ਤਿੰਨ ਮੇਅਰ ਅਤੇ ਸੂਬਾਈ ਵਿਧਾਇਕਾਂ ਦੇ ਦੋ ਮੈਂਬਰ ਸ਼ਾਮਲ ਹਨ। ਇਨ੍ਹਾਂ ਵਿਚੋਂ ਇਕ ਹੋਬੋਕੇਨ ਸ਼ਹਿਰ ਦੇ ਮੇਅਰ ਪੀਟਰ ਕੈਮੇਰਾਨੋ ਵੀ ਹਨ ਜਿਨ੍ਹਾਂ ਨੇ ਕਈ ਦਿਨ ਪਹਿਲਾਂ ਹੀ ਅਹੁਦਾ ਸੰਭਾਲਿਆ ਸੀ ਉਨ੍ਹਾਂ 'ਤੇ 25 ਹਜ਼ਾਰ ਡਾਲਰ ਰਿਸ਼ਵਤ ਲੈਣ ਦਾ ਦੋਸ਼ ਲੱਗਿਆ ਹੈ। ਕਾਰਜਕਾਰੀ ਅਟਾਰਨੀ ਰਾਲਫ ਮਾਰਾ ਨੇ ਦੱਸਿਆ ਕਿ ਭ੍ਰਿਸ਼ਟਾਚਾਰ 'ਚ ਸ਼ਾਮਲ ਲੋਕਾਂ ਨੇ ਬੁਆਏਲਰ ਰੂਮ, ਬੇਸਮੈਂਟ ਅਤੇ ਬਾਥਰੂਮ ਤੱਕ 'ਚ ਸਾਜਿਸ਼ ਰਚੀ। ਇਨ੍ਹਾਂ ਲੋਕਾਂ ਨੈ ਆਪਣੀ ਅਪਰਾਧਿਕ ਦਿੱਖ ਨੂੰ ਛੁਪਾਉਣ ਲਈ ਰਾਜਨੀਤੀ ਅਤੇ ਧਰਮ ਦਾ ਸਹਾਰਾ ਲਿਆ। ਐਫ ਬੀ ਆਈ ਦੇ ਤਿੰਨ ਸੌ ਏਜੰਟਾਂ ਨੇ ਨਿਊਜਰਸੀ ਅਤੇ ਨਿਊਯਾਰਕ ਵਿਚ ਕਈ ਥਾਵਾਂ 'ਤੇ ਛਾਪੇ ਮਾਰ ਕੇ 15 ਸ਼ੱਕੀ ਲੋਕਾਂ ਨੂੰ ਫੜਿਆ, ਜਿਨ੍ਹਾਂ 'ਚ ਪੰਜ ਯਹੂਦੀ ਧਰਮ ਗੁਰੂ ਅਤੇ ਬਾਕੀ ਉਨ੍ਹਾਂ ਦੇ ਸਾਥੀ ਸ਼ਾਮਲ ਹਨ। ਮਾਰਾ ਨੇ ਦੱਸਿਆ ਕਿ ਅਜਿਹਾ ਲੱਗ ਰਿਹਾ ਹੈ ਕਿ ਹਰ ਵਿਅਕਤੀ ਨ ਕੁਝ ਨਾ ਕੁਝ ਹਿੱਸਾ ਚਾਹੀਦਾ ਸੀ, ਭ੍ਰਿਸ਼ਟਾਚਾਰ ਫੈਲਿਆ ਹੋਇਆ ਸੀ ਅਤੇ ਇਨ੍ਹਾਂ ਨੂੰ ਭ੍ਰਿਸ਼ਟਾਚਾਰ ਜਿਊਣ ਦਾ ਇਕ ਰਸਤਾ ਸੀ। ਉਨ੍ਹਾਂ ਕਿਹਾ ਕਿ ਰਾਜਨੇਤਾਵਾਂ ਨੇ ਆਪਣੇ ਆਪ ਨੂੰ ਜਾਣਬੁੱਝ ਕੇ ਵੇਚਿਆ ਅਤੇ ਧਰਮ ਗੁਰੂਆਂ ਨੇ ਧਰਮ ਦੀ ਆੜ 'ਚ ਆਪਣੀਆਂ ਅਪਰਾਧਿਕ ਗਤੀਵਿਧੀਆਂ ਨੂੰ ਛੁਪਾਇਆ। ਇਹ ਵੀ ਦੋਸ਼ ਹੈ ਕਿ ਇਕ ਵਿਅਕਤੀ ਨੂੰ ਇਕ ਦਹਾਕੇ ਤੋਂ ਇਜ਼ਰਾਇਲੀ ਲੋਕਾਂ ਤੋਂ ਕਿਡਨੀ ਲੈ ਕੇ ਉਨ੍ਹਾਂ ਨੂੰ ਭਾਰੀ ਕੀਮਤ 'ਤੇ ਵੇਚ ਰਿਹਾ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਇਜ਼ਰਾਇਲੀ ਲੋਕਾਂ ਨੂੰ ਇਕ ਕਿਡਨੀ ਲਈ ਦਸ ਹਜ਼ਾਰ ਡਾਲਰ ਦਿੱਤੇ ਜਾਂਦੇ ਸਨ ਅਤੇ ਬਾਅਦ ਵਿਚ ਇਹ ਕਿਡਨੀ ਇਕ ਲੱਖ ਸੱਠ ਹਜ਼ਾਰ ਡਾਲਰ ਵਿਚ ਵੇਚੀ ਜਾਂਦੀ ਸੀ। ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪਹਿਲਾਂ ਜਾਂਚ ਕਰੋੜਾਂ ਡਾਲਰ ਦੇ ਕਾਲੇ ਧਨ ਦੇ ਵਪਾਰ 'ਤੇ ਕੇਂਦਰਿਤ ਸੀ ਜਿਸ 'ਚ ਨਿਊਜਰਸੀ ਅਤੇ ਨਿਊਯਾਰਕ ਦੇ ਯਹੂਦੀ ਧਰਮ ਗੁਰੂਆਂ ਦੇ ਸ਼ਾਮਲ ਹੋਣ ਦਾ ਸ਼ੱਕ ਸੀ ਪਰ ਬਾਅਦ 'ਚ ਜਾਂਚ ਦੌਰਾਨ ਭ੍ਰਿਸ਼ਟਾਚਾਰ ਦੇ ਕਈ ਵੱਡੇ ਮਾਮਲੇ ਸਾਹਮਣੇ ਆਏ।